كشفت الفنانة المعتزلة شمس البارودي تعرض صفحتها الشخصية عبر “فيسبوك” معبرة عن استيائها الشديد لما نُشر عليه من فيديوهات مخلة بالآداب.
اختراق صفحة شمس البارودي
وكتبت شمس البارودي عبر صفحتها بموقع التواصل الاجتماعي “فيسبوك”: صايمه الحمدلله وصاحيه من الفجر قلت أدخل اريح شويه غفلت وأنا لسه في أول النوم، التليفون عمال يرن سمعاه ومش قادره أقوم بس دى رنت الماسينجر سكت ورن تانى سكت، ورن قمت وأنا حاسه بدوخة لقيت تليفونات كتير من حبيباتى المتابعين، وكمان من بنتى اتخضيت، مش ده الوقت اللي بنتكلم فيه كل يوم طلبت بنتى في ايه يا نونو خير يابنتي، يا ماما صفحتك نازل عليها فيديو مخل ومحطوط إسمك مشيراه وأنتى مغيره الباسورد.
وأضافت: لازم أدخل عندكم أدخلى ياضنايا طيب أعمل إيه أنا ماتعمليش حاجه، أنا هتصرف بس كالعاده مسمعتش كلام بنتى هيا دخلت عندى وأنا دخلت بسرعه لمحت واحده عريانة ماتحققتش من أى حاجه ، حزفتوا بسرعه دخلت بنتى عملت اللازم، بس هدتنى ما أنا كنت مفزوعه وقالت لي كان لازم تسبيه علشان نعمل بلاغ على الفبس بوك المخترق صفحتك، وكأنك مشاركه في المصيبة اللي حاطتها عندى.
وتابعت: ماتقلقيش ياماما بتحصل كتير لأنك عندك متابعين كتير بيدخل مرضي يستغلوا الإسم طيب، أنا أولا بشكر اللي كلموا بنتى وهي في شغلها قد كده ، محبت الناس الطيبه كلها خير وبنتى سابت شغلها علشان تحل لى المشكلة، أنا بقي ببلغ العملها وعكنن عليا نومة العصاري البريح فيها قبل المغرب، ربنا مايربحك ولا يريحك ولا يهدالك بال ، وتتوجع في جسدك وعقلك أكتر ما أنت موجوع يا كافر بكل الأديان، والقيم مش عارفه أقولك غير ياكافر ياحقير يا زباله يا كافر يا أوطى من أقذر حشرة أنت حتى ماتطولش تبقي حشرة، وسيكشف الله سترك وهتتشوى في نار.
واختتمت: الدنيا ثم في نار جهنم يا زباله اتحسبت على البشر غلط ، نهايتك قربت يا زبالة، وآسفه لكل متابعينى المحترمين القلقوا عليا، وأنا بحاول أنام وماسنحملوش يشوفوا حاجه تضايقنى على صفحتى شكرآ حبايبي شكرا جزيلا من عميق قلبي، والله الحمدلله الحمدلله الحمدلله.
اعتزال شمس البارودي
وكانت شمس الباردوي في الثمانينات قد قررت ارتداء الحجاب، واعتزال الفن، وقامت بأداء مناسك العمرة مع والدها.
المصدر : وكالات
