طول عمرنا في شوارع مصر بنشوف مشهد هادئ ودافئ ومألوف دايما تلاقي جامع جنبه كنيسة وصوت الأذان يرتفع ومعه جرس الكنيسة بسلام المشهد ده مش مجرد صورة فوتوغرافية بنتصورها في المناسبات ده واقع عايشينه وجينات متأصلة جوانا من يوم ما فتحنا عينينا على الدنيا الهلال والصليب في مصر مش بس رمزين دينيين دول حكاية وطن كامل عاش أهله على العيش والملح وشربوا من نفس النيل.
يعني إيه المواطنة الكاملة
بالبلدي كلمة المواطنة ساعات بتتقال في الندوات والخطب وكأنها مصطلح معقد لكن الحقيقة إن معناها أبسط ما يكون وأقرب للقلب إننا كلنا عيال بلد واحدة ملناش غيرها ولينا نفس الحقوق وعلينا نفس الواجبات.
الهلال والصليب.. العدل والقانون:
القانون المصري مبيسألش المواطن عن ديانته القانون بيبص لكونه مصري ليه كامل الحقوق وعليه واجب حماية أرضه من حيث تكافؤ الفرص في الشغل والنجاح والتقدم وتولي المسؤوليات بيعتمد على الكفاءة والجهد والإخلاص للوطن مش على أي اعتبار تاني
الهلال والصليب الكرامة والأمان:
إن كل مواطن يحس إنه آمن في بيته وشارعه وإن الدولة بتقف في ضهره وبتصون كرامته لأن الوحدة الوطنية صمام أمان الدولة المصرية وقوة الدول في العصر الحديث مش بس بأسلحتها ولا إقتصادها لوحده قوتها الحقيقية في تماسك ناسها وتلاحمهم لما يكون النسيج الوطني قوي ومترابط أي تحدي أو أزمة إقتصادية أو سياسية بتصغر أدام وعي الشعب وصلابته.
الهلال والصليب وقطع الطريق أمام الفتن:
الأعداء اللي عايزين يهدوا أي بلد دايماً بيدخلوا من مدخل الفرقة وتقسيم الصفوف لكن لما نكون إيد واحدة بنقفل الباب ده نهائياً وبنحبط أي محاولة لزعزعة إستقرار الوطن.
الهلال والصليب ودعم مسيرة التنمية والإستقرار :
بلدنا بتمر بمرحلة بناء وتنمية بتطلب تكاتف الجميع الشغل والإنتاج والحفاظ على أمن وإستقرار الشارع المصري هو مسؤولية مشتركة لكل مصري ومصرية مؤمن ببلده.
تعالوا نبص حوالينا في تفاصيل حياتنا البسيطة هنلاقي معدن المصريين الحقيقي ظاهر في كل موقف تلاقي الجار المسلم اللي بيطمن على جاره المسيحي في مرضه وفرحه وفي الأعياد والمواسم اللي بنحتفل بيها مع بعض وكأن فرحة التاني هي فرحته الشخصية وفي المواقف الصعبة والمحن اللي بتدوب فيها أي حساسيات ووقت الشدة مفيش حد بيسأل التاني عن دينه الكل بيجري عشان يسند أخوه ويقف مع بلده.
أخيراً مصر بتكبر بينا كلنا
الهلال والصليب هما جناحي النسر المصري اللي بيطير بيه قدام أي تحدي قوة مصر مستمدة من إتحادنا وكل خطوة بنخطوها إحنا الإتنين مع بعض بتثبت إن هذا الوطن محروس بفضل الله وبوعي أبنائه والحفاظ على ترابطنا الوطني ومشهدنا الإنساني الفريد مش رفاهية ده فرض عين على كل من يحب هذا البلد وهو الطريق الوحيد لدعم الدولة المصرية وحماية إستقرارها لمستقبل أفضل.
