استطاع الفنان إيهاب فهمي أن يسجل حضورا دارميا متميزا من خلال مشاركته في عدد من الأعمال الدرامية، الذي اعتمد من خلالها على التنوع بين كل شخصية منهما من خلال مسلسلات “أولاد الراعي” و”نون النسوة” و””ننسى اللي كان” الذي شكلت كل منهم طابع متميزا يختلف عن الآخر، والذي جعله يحصل على إشادات واسعة من الجمهور الذي وصفته أنه يعيش حالة من النُض
وقد كان لموقع “بصراحة”حوار خاص مع إيهاب فهمي بعد عرض ذلك الأعمال.
وإليكم نص الحوار:
ما الذي جذبك لكل عمل من هذه الأعمال؟ وهل كان هناك عامل مشترك في اختياراتك هذا الموسم؟
التلات أعمال كانوا بالصدفة من غير تخطيط، لكن أولاد الراعي متفق عليها من الموسم اللي فات، وتعادل الشخصيات لأن الممثل بطبعه بيحب يغير والتلات شخصيات مختلفة عن بعض، وكل واحد ليه طريقة مختلفة وشكل مختلف وطريقة تعامل مختلفة، فلو قلنا رؤوف الديناري عند لازمات لفظيةوحركية اجتهدت فيها جدا زي حبيبة حبيبة القلب انا اللي مخترع الافيه ده في الورق من اول يوم تصوير.
ما المختلف في تجربتك بمسلسل «أولاد الراعي» مقارنة بأعمالك السابقة؟
ولاد الراعي تجربة مختلفة شكل وموضوعا، ورؤوف الديناري شرير بس شره له سقف، نون النسوة» يناقش قضايا نسائية مهمة، كيف تنظر لدورك داخل هذا العمل الجماعي، الفن منظومة جماعية مكتملة بنتبادل من خلالها ، وانا بعشق هذه الاعمال ومي كساب صديقة وعشرة عمر وسعيد بخطواتها دي اللي اتأخرت لعدة سنوات، فهمي ممثلة وشخصية مهمة.
▪️ أي شخصية من الثلاثة الأقرب إليك؟ وأيها كان الأصعب؟
كلهم قرايبين لقلبي ومش معنى كده ان نفسي ابقى زيهم، لكني اجتهدت فيهم جدا، فلازم تكون كل واحدة مختلقفة عن التانية.
هل تخشى من كثرة الظهور في موسم واحد أم ترى أن التنوع يحسم الأمر؟
كثرة الاعمال لا تقلقني لانها بتتابع بشكل مختلف، وإني موجود في كل الأعمال دي بكل الألوان، وعلى مدار عمري كنت بعمل كده، لكني توقفت لعدة سنوات، زي السنة اللي فاتت كان إش إش بس اللي فاق كل التوقعات، وحقق نجاح كبير جدا فاق توقعاتي. وهو من انجح الاعمال اللي عملتها في حياتي، وسعيد جدا بالتعاون مع كل زملائي وسعيد جدا بنجاح ماجد المصري في في أول بطولة له، ونرمين الفقي وأحمد عيد عشرة عمري سعيد بالعمل معهم.
كيف حافظت على اختلاف الشخصيات بين الرومانسي والاجتماعي والتشويقي دون أن تتشابه؟
الاحتراف بيعلمك تدخل من شخصية لشخصية تانية وما تبذلش مجهود حركي لأنه بيعلمك ازاي تعمل مشهد في العمل ده ومشهد في العمل التاني بحافظ عليه من خلال الخبرة .
▪️ كيف ترى منافسة دراما رمضان هذا العام؟
منافسة قوية ومتنوعة، وكل الزملاء اجتهدوا وتعبوا جدا، فهو موسم درامي ناجح جدا بكل المقاييس.
هل أصبحت تختار أدوارك بناءً على عمق الشخصية أكثر من مساحة الظهور؟
طول عمري بختار الدور بناءا على عمق الشخصية، وليس لمساحة الدور وأنا دايما أقول ممثل محترف بروح الدور، وفيه أدوار كتير من الجلد للجلدة وبتأذي الممثل، والدور اللي بحب اعمله هو الدور اللي لو شلته ميزان الدراما يختل في العمل.
ماذا تقول لجمهورك بعد هذا الحضور القوي في رمضان الحالي؟
بقول لجمهوري النجاح والفلاح بيكم وأي حاجة بتعجبكم بتبقى النجاح بالنسبة لي أنا واتمنى أكو دا يما عند حسن ظنكم، وبمشي في الشاعرع بشوف النجاح في عيون الناس اللي بتقولي إحنا بنحب تمثيلك قوي، وحتى الشر بنحبك فيه بالرغم من إننا كرهنا الشخصية، وإحنا من غيركم ولا حاجة.
كيف تتعامل مع ردود الفعل السريعة للجمهور عبر السوشيال ميديا أثناء عرض الحلقات؟
أنا بعد الحلقة بلاقي بيتقال فاق التوقعات، ومن حق أي حد يقول أي حاجة، ولكن أنا بنتظر للنهاية، ولو حد قالي أنت كنت عظيم بقول كمل للآخر، وتعليقات المشاهدين طبعا باخدها في محل الاعتبار، ومقدرش أقول إيجابية أو سلبية هي بالنسبة لي إيجابية علطول ، ومن حق الجمهور يقول رأيه زي ما هو شايف سواء سلبي وإيجابي.
ما أكثر مشهد تعبت فيه هذا الموسم وتشعر أنه يمثل نقطة فارقة في أحد الأعمال؟
مشاهد كتيرة جدا، بس دايما مشاهد الشارع بتبقى أصعب مشاهد علشان الأصوات المتداخلة والسيطرة على الصوت، وإنك تبقى جوه الحدث، وكل المشاهد بتعب وبجتهد فيها، وكل الناس زملائي وحبايبي ويشرفني العمل معاهم ، واعتمادي الأول على طبيعة الدور أنه يكون مختلف، ومعلمتوش قبل كده.
ما الفرق بين إيهاب فهمي اليوم وإيهاب فهمي في بداياته؟
النضج والخبرة يعني أنا بفرح جدا لما بلاقي الناس بتكتب جملة إيهاب فهمي في حالة نضج فني عالي، على عكس البدايات اللي كان فيها اندفاعات؟
هل لديك طقوس خاصة قبل تصوير المشاهد الصعبة ؟
أه طبعا ليا طقوس خاصة، أنا قديم شويه في الحتة دي، وبقعد اذاكر واحفظ أدور، وما بعرفش اعمل المشهد غير لما أكون حافظ ودراسه كويس، ولو فيه مشاهد صعبة لازم أكون نايم قبلها كويس، وبشوف نفسي في الشخصية، وأصعب المشاهد بالنسبة لي هو أول يوم تصوير بدخل اللوكيشن ببقى خايف جدا، لان لسه بدخل جوه الشخصية.
إلى أي مدى تهتم بتفاصيل الشكل الخارجي للشخصية من ملابس ولغة جسد؟
الشكل الخارجي بيفدني جدا، وده بيقرق طبعا ولغة الجسد، وده اللي بيفرق ممثل عن ممثل تاني، وزي شخصية روؤف الديناري اللي مختلفة في حركة الجسد والشكل عن كرم والجيوشي، والطريقة بتفرق طبعا، والشكل الخارجي بيفرق جدا، وده اللي بيخليني لما انفعل مع الشخصية اكون مختلف.
كيف ترى تأثير المنصات الرقمية على شكل الدراما والمنافسة في رمضان؟
ده ليه جمهور وده ليه جمهور، بس طبعا القنوات محتفظة بنجاحها، والمنصات وسعت العمل أكتر والاتنين نجاحهم مستمر.
هل هناك نوع درامي لم تقدمه بعد وتتمنى خوضه قريبًا؟
اتمنى أجسد دور صعيدي لإني معلمتوش قبل كده.
بعد هذا الموسم المكثف، هل تفكر في التمهل قليلًا أم الاستمرار بنفس الإيقاع؟
لا مقدرتش اقول لأن الرزق من عندنا ربنا، والدور اللي بييجي بعمله.
المصدر : وكالات
