تداول انباء خلال الفتره الماضيه تشير الي ان الفنانه شرين عبد الوهاب تتواجد فى سويسرا للعلاج النفسي ،مما اشغل وسائل التواصل الاجتماعي وقلق جمهورها خلال الساعات الماضيه بهشتاج شرين _فين .
وكتب أحد المتابعين: (شيرين مصر كلها عايزاكى.. لا، مصر إيه، العالم العربى كله.. لا، العالم كله محتاجك يا شيرين، ومش هنقدر نعيش من غير صوتك).
بينما أعرب آخر عن قلقه من اختفاء النجمة قائلاً: (شيرين مختفية اختفاء مريب، ومحدش حتى من المقربين عارف يوصلها، لازم نحاول نعمل أى حاجة نوصلها بيها، ويا ريت يا عمرو دياب تساعدنا مدام بتحبها زينا).
فعلق شخص آخر: (سبحان الله.. كل ما يحاولوا يقللوا منها تكبر أكتر. ربنا يرجعك لينا بالسلامة يا أم مريم وتخلى كل حشرة يعرف حجمه الحقيقي).
فعلق البعض أيضا عن غضبه منها، فكتب أحدهم: (مش مزعلنى غير إن شيرين بتطلع ترند فى الشهر 3 مرات وهى مبتحسش.. معندهاش دم! اشتقنالِك يا شيرين.. ارجعى، وفكّى نفسك من حسام).
يذكر أن شيرين عبدالوهاب غائبة تمامًا عن السوشيال ميديا خلال الفترة الأخيرة، فى وقت ازدادت فيه التكهنات والتساؤلات حول حالتها وسبب اختفائها، بينما يستمر جمهورها فى تصدر الترند مطالبين بمعرفة الحقيقة وعودتها سريعًا للظهور.
المصدر : وكالات
