محمود بسيوني: مستشفى الناس تجربة مصرية تقدم خدمات حقيقية مجانية للجميع وأدعوكم لدعمها – الأخبار

أجري الكاتب الصحفي محمود بسيوني، رئيس تحرير جريدة أخبار اليوم، زيارة هامة لمستشفى الناس الخيري لعلاج أمراض القلب والجهاز الهضمي والسكرى بالمجان، وذلك في إطار سلسلة من الزيارات التي يقوم بها المشاهير ونجوم المجتمع إلى المستشفى لتقديم الدعم النفسي والمعنوي للمرضى والمشاركة في التوعية.

تضمنت زيارة الكاتب الصحفي محمود بسيوني، لمستشفى الناس، جولة تفقد خلالها غرف الأطفال المرضي، وتعرف على الخدمات الطبية المقدمة لهم، كما التقي عدد من الأطفال في العيادات الخارجية الذين حضروا مع أولياء أمورهم سواء للمتابعة بعد العملية أو للكشف ضمن الإجراءات الخاصة بتحديد ما يحتاجه كل طفل من إجراءات علاجية أو جراحية حسب كل حالة.

خلال جولته، تعرف الكاتب الصحفي محمود بسيوني، على جميع أقسام المستشفى بما في ذلك الصيدلية والمطبخ والمغسلة وغيرها من الأقسام التي تتعلق جميعها بتقديم أفضل خدمة ورعاية للأطفال أثناء رحلة علاجهم داخل المستشفى.

وأشاد محمود بسيوني، رئيس تحرير جريدة أخبار اليوم، بمستوي الخدمات الطبية المتكاملة المقدمة في مستشفى الناس والتكنولوجيا المتطورة التي يعتمد عليها الصرح الطبي الكبير، حيث قال: «أنا سعيد جداً بزيارة النهارده لمستشفى الناس واللي شوفته خلالها من رعاية طبية وعناية فائقة مقدمة للمرضي سواء من الأطفال الصغار أو كبار السن اللي بيتعالجوا في المستشفى، والحقيقة شوفت خدمات طبية ممتازة جداً وفيها تطور كبير في العمل الصحي، وكمان شوفت علاج بيتم لناس من كل محافظات مصر وده توقفت عنده كثيراً، وتوقفت كمان عند الأطفال الصغيرين اللي بيتعالجوا من أمراض القلب، والحضانات وأحدث الأجهزة الموجودة لعلاج الحالات دي».

وقال: «الحقيقة هذه المستشفى بشوف إنها صرح كبير محتاج كل الدعم، ومحتاج إن الناس كلها تعرف الخدمات اللي بيقدمها وإزاي بيساعد الناس من غير فلوس في حالات كتير جداً، ويمكن احنا سألنا النهارده الحالات اللي شوفناها بيتكلّفوا أي حاجة؟، وقالولنا إنهم ما بيتكلّفوش أي حاجة، صفر تكلفة تقريباً، رغم إن كتير منهم حالات خطيرة وحالات صعبة وتقدم لهم خدمات طبية فائقة الجودة».

وأضاف: «تدريب الأطباء الموجودين وطاقم التمريض يتم على أحدث مستوى داخل المستشفى، وفي كمان اهتمام بالتقنية واهتمام بالعنصر البشري وازاي إن هو يقدم خدمات طبية زي أحسن المستشفيات الموجودة في العالم، والأجهزة اللي شوفناها يمكن في منها جهاز أو اتنين في الشرق الأوسط كله، واحد منهم موجود في مستشفى الناس، ودي حاجة أسعدتني جداً وبتخلينا دايماً مبسوطين بالمستشفى وعندنا شغف إننا ندعمها في كل مكان».

وتابع: «دي أول زيارة ليا وبصراحة منبهر جداً باللي شوفته والخدمات الطبية اللي من النوع ده وبالتكلفة دي، خاصةً إن كل الخدمات الطبية في العالم، مش في مصر بس، باهظة التكلفة، لكنها بتتقدم هنا من غير ما أسر المرضي تتحمل أي حاجة، فدي حاجة في الحقيقة شايفها إنها عمل خير حقيقي بيحصل في مستشفي الناس، ودا يدفعني إني أدعو كل المصريين بتوجيه تبرعاتهم لهذه المستشفى، لأنه بالفعل التبرع بتاعكو بيوصل في مكانه الصحيح وبيساعد ناس بالفعل محتاجة هذا النوع من العلاج، وطبعاً متقدرش تتحمله».

واستكمل حديثه: «مستشفى الناس فيها خدمة طبية فائقة جداً ما شفتهاش في أحسن المستشفيات اللي ممكن يدفع فيها فلوس كتير جداً، لكن هي موجودة هنا ببلاش ولناس بسيطة بتتلقى العلاج في المستشفى وناس جاية من محافظات كتير ومن قرى وأطفال صغيرين وفي الحضانات، فده يعني شيء يؤثر في القلب وبيخلي الواحد متحمس جداً إنه يدعو الناس كلها إنها تتبرع للمستشفى وتدعم هذه المستشفى، لأن بالفعل في تجربة مصرية حقيقية بتقدم خدمات حقيقية للناس من غير تكلفة ومن غير أي عبء مادي على نحو فائق».

واختتم حديثه: «طبعاً أنا بشكر كل الأطقم الطبية الموجودة واللي بيقدموا هذه الخدمات بهذه الجودة، وهما بيقدموا عمل خير حقيقي، وطبعاً أستاذ أيمن عباس أنا بشكره جداً على الدعم، وعلى إنه مهتم بدعم المستشفى، وإنه يبقى طول الوقت مهموم بإن كل الناس تتلقى العلاج اللائق، وإنه يهتم بالجودة اللي بتتقدم ليهم خاصةً وهما مبيتكلّفوش حاجة، فأنا بشكره جداً وده في ميزان حسناته طبعاً، وبدعو كل الناس إنها تبقى موجودة زي أستاذ أيمن كده بتدعم هذه المستشفى وواقفة جنب الناس اللي بتتلقى العلاج».

الجدير بالذكر أن مستشفى الناس واحدة من أهم المستشفيات الخيرية الغير هادفه للربح، حيث تقدم خدماتها بالمجان لكل المصريين من الأسر المهمشة والأكثر احتياجا وغير القادرين، ونجحت المستشفى منذ افتتاحها عام 2019 في تقديم أكثر من 506 ألف خدمة طبية، والكشف على أكثر من 27 ألف مريض، كما أجرت المستشفى أكثر من 7 آلاف عملية جراحية بالقلب لحالات حرجة جدًا وعمليات قسطرة تشخيصية وعلاجية، إضافة إلى هذا تفتح مستشفى الناس أبوابها لكل مرضى القلب والجهاز الهضمي، وتعمل على وضع خطة علاجية لهم بأحدث الطرق الطبية ووفقاً لآخر المعايير والضوابط لهذه الأمراض عالمياً، حيث أجرت 630 عملية جراحية ومناظير جهاز هضمي خلال عام 2023.

ويشار إلى أن مستشفى الناس تبلغ مساحتها 30 ألف متر مربع تتضمن 7 أدوار، بطاقة استيعابية 600 سرير، و10 غرف للعمليات، و140 وحدة رعاية مركزة، و4 وحدات قسطرة قلبية، و48 عيادة خارجية، وقد تم افتتاح المستشفى عام 2019.

ويمكن التبرع لمستشفى الناس الخيري للأطفال من خلال الاتصال على الخط الساخن 16441، والانتظار لحين وصول مندوب المستشفى إلى المنزل، إضافة إلى التبرع من جميع البنوك المصرية على حساب رقم 16441 باسم مؤسسة الجود الخيرية – مستشفى الناس، أو عبر الموقع الالكتروني الرسمي للمستشفى أو من خلال إرسال رسالة تتضمن كلمة “طفل” على رقم 9797، أو منافذ فورى كود رقم 9145، إضافة إلى امكانية التبرع عن طريق شركات الدفع (instapay – أمان – مصاري – OPay- الأهلي ممكن).